Readers' Emails Bulletin Board

Subject: Hmoob Yeej Tsi Hlub hmoob
From: Phil K Thao <tseev@juno.com>
Date: Sat, March 15, 2003 7:54 pm
To: neeg@neeg.org
Priority: Normal

Zaj no yog ib zaj real story !

Thaum xyoo 1975 lub 5 hlis, kuv nyuam qhuav nto kiag nyuag menyuam tub hluas, tseem hluas heev. Kuv nrog kuv ibtug txiv hlob kwvtij lawv tsev
neeg taug kev pem yaj sab mus rau Vientiane, lub homphiaj yog khiav mus rau sab Thaibteb. Thaum peb mus txog rau ntawm lav 52, kuv tus tijlaug kwvtij thiab kuv txawm mus rau tom Num Chieng, wb mus nrhiav seb peb cov kwvtij uas nyob rau Num Chieng puas tseem nyob lawm.

Tus yawg hmoob uas muaj luv Cav zom txhuv nyob rau Num Chieng mas phem kawgnkaus li. Nws niam yog lawm peb phauj lawm. Nws niam muab tau ib hnab nyuag txhuv luaj li ncej qab pub rau wb ob kwvtij, nws hais rau wb tias, "neb lam nqa hnab nyuag txhuv no mus, tsam ces nej ho hla tsi dlhau dej, yog nej khuab rau tom Veescam ces nej thiaj tau txhuv ua mov noj." Tus yawg hmoob ntawd nyob sab saum lub lawj uas yog txheej tsev sab saud, nws hnov nws niam hais li ntawd rau wb, nws txawm nthe nqho thiab nqis nrawm nroos los chua kiag hnab txhuv (kuv twb muab hnab txhuv kwv rau saum xub pwg lawm) nqa mus cia lawm. Yawg hmoob ntawd txawm cem nws niam nrov nrov tias, niam!, koj yuav muab kuv cov txhuv pub rau cov nyuag no coj mus noj ua dabtsi? Koj tsi paub tias cov nyuag no yog cov uas yuav rov qab los
tua peb no lov?! Lub sijhawm ntawd, cov tubrog Pathet Lao thiab tubrog
Cobtsib yeej taug kev zom zaws hauv zos li lawm, lawv yeej taug kev free ntawm tej li. Tom qab uas tus yawg hmoob ntawd nthe nthe nws niam li ntawd tag, nws niam kuj tsi hais li cas rau wb ob kwvtij li thiab. Wb ob kwvtij txawm sib thawb sib thawb, ibtug ntsia ibtug, koj saib kuv, kuv saib koj, ces wb txawm tawm nrawm nroos mus rau nraum zoov, thiab wb txawm nrhiav tsheb xa wb rov qab mus rau tom lav 52 lawm. Wb yeej ntshai heev tias tsam ces yawg hmoob ntawd ho lam qhia tubrog Pathet Lao ntes wb.

Niaj hnub no yog rov hais txog hmoob lub siab, mas kuv lub siab yeej
tseem npau npau thiab kub kub tsi tau txias hlo li. Xyov tus yawg hmoob ntawd puas tuaj tau rau tebchaws no, yog tuaj tau thiab paub tias nws nyob qhov twg, kuv xav sau ib tsab ntawv mus hais dabneeg rau nws mloog.

Hmoob yeej tsi hlub hmoob!

Txawj Xav,
Mid-west of USA