Readers' Emails Bulletin Board

Subject: Pom Siab Hmoob Iab Tshaj Yaj Yeeb
From: "ntsim siab" <ntsimsiab@hotmail.com>
Date: Tue, August 16, 2005 2:27 am
To: neeg@neeg.org
Cc: ntsimsiab@hotmail.com

Koj sau:
“Kuv pom siab Hmoob iab tshaj yaj yeeb. Vim hauv lub qab ntuj no, tshuav ib txhia neeg tshaw hwj chim. Dag tej neeg txom txom nyem, ruam ruam qauj, thiab tsis hnov xov xwm ntiaj teb kom nyob thiab tiv txoj kev tuag los ua leej ntawd txoj kev ntshaw. Tiam no Hmoob lub plawv yuav iab npaum yaj yeeb rau nyias tsev neeg, tej kwv tij, thiab tej txheeb ze kom tsis muaj tag“.

Lus Teb:
Tsu Yaj, siab hmoob iab tshaj yaj yeeb yeej yog kawg li, vim hais tias,
hmoob tsis sib pab tua tus nplog tus nyab laj liab uas tuaj tua yus kom
tuag tag hos, yus tseem tig rov los sib tog kom yus tuag es nplog liab thiab nyab laj liab ho tsawg ib tug yeeb ncuab xwb. Cov hmoob lub siab iab tshaj yaj yeeb ces txawm yog TIM KOJ ib tug ntag. Nyab Laj tuaj, nplog tuaj tua sawv daws tawg ua sab sua, tuag ua lwj liam, koj tsis muaj qhov muag pom. Koj tsuas tag zog los cem los thuam koj tej nom tias lawv xav ua loj, xav muaj fwj chim es dag tej neeg txom nyem ruam ruam qauj tsis hnov xov xwm ntiaj teb, tiv txoj kev tuag los ua neej ntawm txoj kev ntshaw. Xav los txog, koj yeej yog niag nplog liab yug thiab siab los yog siab nplog, hlwb los yog hlwb nplog. Koj tuaj nplog tog tawm tsam thiab raws caum tua koj tus nom khiav kom nws tsis muaj teb chaws. Koj tseem khiav raws nws qab mus ua NAB tom nws, rhuav nws, thiab thuam nws rau zej zog thoob plaws. Xav los txog, koj kev ntse ruam cuag niag npua. Tsis yog yuav sib pab kom yeej yeeb
ncuab, tab sis tseem mus tuaj yeeb ncuab tog muab yus tog rhuav yam tsis paub txaj qhov muag. Cas es cov niag neeg talebearers mas tsis muaj hlwb kiag li. Muaj qhov muag pom los tsis to taub, zoo li tus aub noj quav tag ces tsa ncauj tsem. Hmoob lub siab yuav iab tshaj yaj yeeb, yuav chim rau cov niag hmoob ntxeev siab li KOJ tus uas tuaj nyablaj liab, nplog liab tog tawm tsam thiab tav lawv kev es lawv thiaj raws tsis tau caum tsis cuag“
LAWV TUS NOM TUS TSWV VAJPOV UAS HLUB THIAB PUB RAU LAWV NOJ LAWV HAUS LAWV NOJ LAWV NYOB KAJ SIAB LUG, THIAB PUB TAU RAU LAWV UA NEEG MUAJ VAJHUAM SIB LUAG ZWB ZOS THIAB TSEEM MUAJ NTSEJ MUAG TSHAJ LAWV TEJ YEEB NCUAB LAWM NTAU TXHIAB NTAU VAM NPAUG”. Tseeb tiag lawv yog cov tsim nyog tau nrog Vajpov nyob tim USA no, es tseg koj nyob ua nplog liab qhev. Tab sis vim koj lub ntsej muag yog ntsej muag dev es koj thiaj tsis paub kev cai li tsiaj es koj thiaj nqus ceg dev khiav ua lawv ntej tuaj mus nyob USA lawm. Koj ua li no kom koj thiaj tau pab nplog liab tsawm lawv tus nom vajpov, thiab tig ua nplog tawm tsam vajpov kom nws tej pej xeem nws hlub tshua nkaum qhov zeb qhov tsua tsis tau chaw nkaum thiab tsis muaj teb chaws nrog luag nyob.
Hmoob yaj li koj no ntshe yog neeg dig muag thiab pom los ntshe paub tsis meej. Lwm zaus yog yuav hais li koj hais no xwb, kuv xav tias, koj rov mus nyob tim Nplog zoo dua lawm. Yog txawj xav li koj hais es koj tsis ntshaw ua nom, muaj fwj chim, thiab tsis xav ua thawj, tsuas yog ho txawj txawj hlub hmoob es nim pom hmoob txom nyem li ub li no tiag ces, koj kav tsij nqis tes pab xwb los mas. Kuv xav tias, yog tim vajpov es tsis tim nyab laj thiab nplog liab tiag ces, vajpov khiav koj kuj txhob khiav? Cas koj tseem khiav thiab?
Cia kuv qhia koj paub lub ntsiab: Cov Hmoob ruam ces xav li koj xav tag
tug li. Tab sis cov Hmoob ntse yeej yuav tsis thov swb rau leej twg thiab tsis yeem poob rau nyablaj liab, nplog liab tes kiag li. Hmoob ntse thiaj sib koom tes tawm tsam nplog liab thiab nyablaj liab kawg lawv txoj sia lub neej. Tej no lawv tsis blame ib tug neeg twg vim luag yeej ua kawg luag txuj, yus yeej ua kawg yus txuj. Cov neeg uas tig los ua dev tom nom tom tswv thiab hais tias, tim tus li ub li no es nws thiaj txom nyem, cov neeg no yog dev liam txwv xwb. Leej twg chwv ces nws tom tus ntawd vim tus ntawd nyob ze nws, txav ti nws. Vam tias, koj tus sau zaj no thaum nyeem tag kuv tsab ntawv teb koj no koj yuav khiav rov mus nyob tim Nplog teb es mam pab nplog cem thiab tawm tsam koj tus nom Vajpov. Yog koj raws vajpov noj xwb no ces, nco ntsoov seb koj puas yog Vajpov tog nawb. Tsis li ntawd, yuav tsis zoo rau koj nyob USA lawm. Koj yog DEV VWM DEV TOM TSWV!!!

Teb Rau Yawg Ntsim Siab:

Txawm koj yuav ntse dua kuv, ntse dua leej twg, thiab txawm koj yuav yog Vaj Ntxwv Hmoob los koj tsis tau pom qhov zoo ntawm tej xyoob ntoo. Kuv tseem tsis tau siv sij hawm los nyeem kom tag koj cov lus. Kuv twm tau koj yog ib tug neeg tseem poob qab thiab lawv qab ntawm txoj kev ua neeg tiag hauv lub ntuj no. Yog kuv yuav sau ntawv nrog leej twg sib ceg ua si, kuv yuav hais tau ib co lus uas yuav hlais nrhe koj lub plawv thiab yuav ua rau koj cov ntshav hauv koj plawv tawm plaws los.

Koj xav dua. Kuv yog neeg sau ntawv xov xwm. Kuv pom xov xwm uas ntsim neeg siab vim ib lub tswv yim dag noj dag haus tawm qhov twg los. Thaum no kuv sau. Ntiaj teb no, cov neeg uas sau ntawv xov xwm thiab hais Hmoob phem tshaj, vwm tshaj, thiab awb tshaj, muaj coob thiab yog luag lwm haiv neeg hais tawm tuaj. Koj mus hais tsis tau ib lo lus dab tsis rau lawv.
Thaum twg koj pom ib tug Hmoob sau ntawv xov xwm, thiab yog sau txog qhov koj ua, koj nyiam, es ua rau koj tsis tau zoo dag noj dag haus ces koj hlawv toj hlawv pes tuaj. Koj txhob sau lus tuaj rau peb xwb. Koj tuaj ntsib peb kiag. Thaum no muaj lus dab tsi, yuav coj mus kho Hmoob thiaj yog qhov koj xav tau. Kev sau ntawv, peb sau rau tib neeg nyeem, xav, thiab ntsia raws li qhov teeb meem kawj. Tej zaum peb kuj ua yuam kev, tej zaum koj yog tus ua yuam kev. Cia dab neeg dhau los thiaj paub qhov tseeb. Nov yog kev peb sau ntawv xov xwm.

Yog koj muaj lus xav sib tham kom zoo koj lub siab koj tuaj ntsib peb.
Txhob lam tau lam hais lus tsam yus cov lus uas ib tug yeeb ncuab loj rau yus nawb mog.

Tsu Yaj

Subject: Yaj Tsu
From: "ntsim siab" <ntsimsiab@hotmail.com>
Date: Tue, August 16, 2005 3:13 am
To: neeg@neeg.org
Cc: ntsimsiab@hotmail.com

Nyob zoo rau koj,

Vim koj tej lus xov xwm thiab lus sau tawm rau txhua tus nyeem. Kuv thiaj tau teb tag nrho cov kuv xav teb rau koj paub.

Kuv ua neeg kuv pom muaj ntau tus neeg hmoob uas twb pom ntsoov Nplog tej kev txhaum KEV TUA NEEG HMOOB ntawm yus 2 lub qhov muag los yus tsis muaj peev xwm liam txim tau rau nplog li tsuas tab tig rov los liam yus tej nom tej tsw li koj no os. Muab hais los koj yog ib tug neeg tau kev tsis ncaj kev, thiab hais lus tsis yog lus. Yog li no kuv thiaj sau tuaj teb koj paub thiab hais ntau yam rau koj. Yog koj xav tias, koj yog neeg hmoob vajpov tiag tiag no ces, koj yuav tsum rua qhov muag ntsia kom meej meej es koj thiaj pab neeg tsis yuam kev. Qhov kuv hais koj no tsis tau txhais hais tias, kuv yog hmoob vaj li vaj pov. Kuv tsuas yog ib tug neeg uas tsis agree rau koj tej lus hais xwb.

Kuv pom koj tej lus wrong tag nrho li. Kuv xav tias, koj lub siab thiab vwj
mais lub siab yuav yog tib lub siab. Kev tuag los ti los yus tsis pom kev
tuag, yus tsuas pom tus khiav lawm xwb tias cas nws tsis zoo. Caum nws qab cem nws, thuam nws, thiab xav kom nws los lees lub txim uas tsis yog nws ua. Nim no koj cia li rov mus taug tej koj sau no kom zoo zoo nawb, koj sau yuam kev lojheev li. Cov ruam yuav qhuas koj, tab sis kuv yuav thuam koj. Vim koj sau tsis raws qhov tseeb, qhov ncaj ncaj ncees ncees rau txhua tus neeg.

Lo lus kawg rau koj yog li no:

"Txhua tus hmoob tuag yog NPLOG tua tag nrho". "Hmoob cob fab khiav tsis tau, nrhiav tsis tau kev khiav, tawm tsis tau rau thaib teb, puav leej yog NPLOG ua laj kab xov lawv thiab thaiv lawv kev tag lawm, NPLOG yog tus yuav tua lawv pov tseg thiab". "Cov hmoob vwjmais coj thiab ntxias rov qab puav leej yog NPLOG ntxias mus tua tag nrho". "Hmoob tsis tau ua txhaum NPLOG ib qho hlo li, tab sis NPLOG yeej ib txwm ntxub hmoob thaum pib txog thaum xaus lawm. txhua yam yog TIM NPLOG LIAB NPLOG TSW QUAV XWB". "Koj npav qhov kom
hmoob khiav hla dej naj khoos rau Thaib teb es luag mam tuaj pab hmoob, tab sis hais koj paub tias, lawv kev tuag yog nyob raws ntug dej naj khoos, thiab nplog teb. Kev tuag tsis yog nyob tom yeej thoj nam tawg rog. Ua ntej lawv yuav tau txais kev pab ces ntshe lawv twb tsis muaj sia tag lawm". "Koj lub tswv yim pab hmoob es hais zoo yam li hmoob khiav los yooj yooj yim tsis muaj hlua dawm tes hmab dawm taw li es khiav tsuag tsuag los xwb ces dim, cas es koj lub hlwb yuav mus ntiav ua luaj li. Koj twb txawj hais tias, lwm tus hlwb ntiav cas hais txog kev tuag thiab txoj sia kiag koj ho tsis to taub li lawm"?

Lus li no xwb, nej mus lus tsis txaus siab dab tsi yeej meem sau rau kuv los tau. Nco ntsoov NPLOG LIAB yog neeg muaj txim!!!!!

Subject: Taug Hmoob Txoj Lw Ntshav
From: "ntsim siab" <ntsimsiab@hotmail.com>
Date: Tue, August 16, 2005 2:47 am
To: neeg@neeg.org
Cc: ntsimsiab@hotmail.com
Priority: Normal
Options: View Full Header | View Printable Version

Koj nug li no:
“Zaj dab neeg no, yog vim leej twg? Zaj dab neeg no yog tim twg twg? Leej twg thiaj kam lees paub? American cov CIA thiab Hmoob cov hauj lwm Qab Rooj puas yuav txhais tau sib thooj? Thaum txhais tau lawm, cov kev tswj fwm ho sib txawv npaum twg thiab? Muaj liaj ia teb chaws, nom tswv, thiab txoj cai kav twb yog qhov txawv ntawm CIA thiab Qab Rooj“.

Lus Teb:
Zaj dab neeg no yog VIM Nplog thiab Nyablaj liab xwb. Tsis vim hmoob leej twg li. Tsis tim Hmoob, Tsis tim Vajpov, Tsis tim Amelikas. Es qhia koj paub li no. Txhua txhua tus hmoob uas tuaj Vajpov tog tsis yog neeg sawv tawm tsam Vajpov li koj tus sau (Tsu Yaj) no. Luag sawv pab Vajpov, Vajpov ua nom pab lawv yog sib pab tua nplog thiab nyab laj kom hmoob tsis poob rau luag kev tsim txom quab yuam caij tsuj. Tsis poob rau communist lub xib teg.Kev tsov kev rog yeej muaj yeej thiab muaj swb. Ua hnub no tsov rog yeej yuav tsis tag rau tag kis. Tab sis D-Day yeej muaj nyob ntawm sawv daws kawg li. Tsuas yog tsis tau txog sij hawm thiab hnub ntawd los tsis tau txog xwb. Koj zaj dab neeg no koj sau tau es koj tsis paub tias, tim leej twg li los? Kuv qhia thiab teb rau koj paub: Twb yog tim Nplog Liab xwb ntag ne. Evidences twb muaj thiab qhia rau sawv daws pom tag lawm ne, koj tsis pom los? Cas es dig muag tag li lawm.

Tus yuav los lees lub txim no ces, txawm yog nplog los lees xwb ntag los mas. Yog nplog lees ces txawm tag plaub xwb. Koj tseem pheej yuav mus kom leej twg los lees naw Tsu Yaj? Koj ntshe yuav kom vajpov los yog CIA los lees pob puas yog? Koj txhob vwm vwm es ua tus tsis pom tej no kiag li nawb? Nplog yog Hmoob tus yeeb ncuab uas loj tshaj plaws hauvntiaj teb no es xav kom koj paub li no nawb Tsu Yaj. Thaum ntej Hmoob ua rog pab nplog zov tiv thaiv nplog lub teb chaws tsis pub communist tuaj txeem tuaj kav hmoob thiab nplog, Tab sis nplog lub niag siab dev, siab vwm, siab ruam qauj, siab pluag kug es ntxub ntxub hmoob thiab amelikas es nplog thiaj kwv nplog niag qau mus thov nyablaj liab tuaj ntiab hmoob khiav tawm teb chaws xwb los mas. Hais tiag tiag los, HMOOB TSIS TAU UA TXHAUM NPLOG IB QHO LUAJ NTI LOS YOG LUAJ RAU KIAG LI. Es koj puas tau paub li no os Tsu Yaj? Koj nco zoo zoo rau koj lub siab tias, CIA thiab hmoob tej hauj lwm yeej yog ua kom COMMUNIST nkag tsis tau teb chaws Nplog thiab south Vietnam xwb los sav. Ua neeg nyob es cas nej cov hmoob yaj txij tus yaj daus los txog koj no los yuav ruam tib yam, thiab yuav xav tag zog tias nplog, nyablaj, yog cov zoo tag nrho hos Hmoob, especially Gen. Vajpov thiaj phem nrog rau CIA xwb? Hloov koj tus kheej txoj kev xav nawb? Tsam no yeej tsis yog kev xav lawm, tab sis koj twb pom kiag ntawm koj 2 lub qhov muag li lawm ntag. Cia li ntseeg li tej evidences uas koj pom nplog tua hmoob pej xeem tuag pawg lug
li no xwb los pob? Kuv tus no tsis ntse npaum li koj, tab sis kuv paub txog tias, txhua yam teeb meem uas los raug hmoob no yog “NPLOG UA TAG NRHO” xwb.
Ib hnub tom ntej, nplog yuav tsum tau los them txhua txhua lub taub hau hmoob uas tau tuag rau hav zoov hav tsuag vim nplog thaiv lawv kev tua lawv tuag. Leej twg tso Nplog dim, kuv yuav tsis txaus siab rau tus ntawd. Tus ntawd yuav tsum tau mus nyob hloov nplog lub txim. Including you, Tsu Yaj.

WARNING RAU KOJ: Yog koj tsis paub tias, tog twg yog tog txhaum ces, koj txhob los sau sau ntawv rau hmoob Vajpov nyeem lawm nawb? Koj rov qab mus sau rau tim nplog teb rau nplog nyeem es nplog thiaj qhuas koj os. Koj tej lus hais nkim sij hawm nyeem xwb. Tsis muaj qhov zoo thiab yog li.

Teb Rau Ntsim Siab: (cov xim ntawv no xam hais tias yog xim sib hlub)

Lus sib ceg yog hais mas ntau, leej twg los paub hais kom khib khib lwm tus. Neeg muaj ntau pawg, ib txhia yog neeg txawj neeg ntse, ib ntxhia yog neeg zej zog tham lus mab lus suav, ib txhia yog neeg ua nom ua tswv, ib txhia yog neeg ntshaw los mus ua nom ua tswv, haiv neeg Hmoob, dab neeg qhia tau hais tias tseem yog ib haiv neeg poob qab yov luag txhua yam. Muaj ib feem tub Hmoob txawj ntaw mas nrhiav noj, ua kam dab tsi ua nyog lawm, paub kev cai lij choj, paub kev cai hais lus kom chwv cai. Tshuav ib pawg neeg uas tseem nyob ntawm tog kev tsaus ntuj. Pawg neeg no nyiam hais koj pab kuv pawg, nyiam hawv kev heev ua tsov ua rog, nyiam sawv tuav teb tuav chaw. Pawg neeg no thiaj yog ib tug yog tus phooj ywg Ntsim Siab. Nws xa ntau tsab email tuaj rau NEEG MAGAZINE, nws xav hais dab tsi ces hais. Qhov no kuj yog ib qho uas nws muaj txoj cai. Tab sis teeb meem los tom ntej, leej twg yeej tsis paub. Thiaj qhia tau hais tias ib feem ntawm yus haiv neeg cov paj hlwb tseem ntiav heev. Sawv daws yuav tau xyaum zam lub txim. Kev sau ntawv tuaj sib ceg, sib qhia tswv yim, los lwm yam, txhob hais li yus yog tus huab tais thiab txhob siv cov lus "TUA NEEG" txhaum txoj cai ntawm lub teb chaw yus nyob.

Subject: Txoj Lw Cob Fab Kawg
From: "ntsim siab" <ntsimsiab@hotmail.com>
Date: Tue, August 16, 2005 2:21 am
To: neeg@neeg.org
Cc: ntsimsiab@hotmail.com

Lus teb rau koj:
Tsu Yaj, kuv xav tias, nej hais lus tsis yog lus. Qhov koj hais tias, “Qab
ntuj no, yog leej twg muaj kwv tij, txheeb ze, zoo neeg, thiab ntxim tshuav uas tseem nyob hav zoov hav tsuag thov xa xov kom lawv sib sau tawm los mus ua neeg Thoj Nam Tawg Rog rau Thaib teb. Txhob nyob tos tus npau suav txheem teb ua chaw saum cov toj roob zeb tsuas lawm. Qab ntuj dav tsis muaj leej twg cuab lawv lub zog. Yog ib haiv neeg zoo li Hmoob txawj nco sib hlub, nrhiav kev cawm cov kwv tij no kom raug cai ntiaj teb, vim qab ntuj no muaj cov koom haum uas yuav pab cawm cov neeg no ciaj. Tab sis tus Kas Moos ua tsov ua rog twb tws lawm thaum twg, leej twg tseem dag cov ruam tuav nws zaj npau suav vwm” kuv xav hais tias, koj xav yuam kev loj heev li. Koj kwv koj
tij kiag koj twb pab tsis tau kom lawv dim kev tuag. Qhov hmoob poob tom qab los tsis yog vim dab tsi tab sis vim nplog liab thiab nyablaj liab thaiv lawv txoj hau kev tag lawm xwb naj? Nyablaj tsis thaiv hmoob kev, tus loj tus me yeej khiav dim tag tug tsis muaj ib tug tuag rau luag tes. Cas kuv saib mas zoo li nej cov hmoob yaj no yog tib co niag neeg tais quav thiab tuaj nplog zaj txov hmoob siav xwb os yom? Koj xav tias, lawv khiav los hla dej naj khoos es lawv yuav dim dawb dawb tsis yog pheej hmoo dim xwb no los cas naj? Es koj thiaj kom lawv tawm los rau tej yeej thoj nam tawg rog os.
Koj puas tau nug koj tus kheej tias, muaj pes tsawg pab hmoob khiav los es los tsis dhau li no os? Tim leej twg tav lawv kev? Puas yog nyablaj thiab nplog liab nyob tav lawv kev tsis tso lawv kev los rau yeej thoj nam tawg rog no? Koj lub siab mas ruam tiag tiag li. Yog lawv los dhau ces lawv twb los tag lawm os mog? Qhov twg los qhov yuav tuag es lawv thiaj ua ib siab ua qav kaws zov qhov taub tos peb xwb los, cas es koj txoj kev ruam yuav tawm lub niag tswv yim ruam ruam qauj pab hmoob xwb? Hmoob tsis yog yuav tsum KHIAV YEEJ xwb es thiaj yuav dim kev tuag tau, tab sis HMOOB YUAV TSUM FIGHT YEEJ (TUA YEEJ) thiaj yog qhov yuav ua rau txhua tus hmoob cob fab dim kev
tuag. Ua li cas es Yajdaus vwm los vwm tsis txawj tso tseg, koj los vwm tsis paub tso tseg li thiab?

Koj hais tias, “tus Kas Moos ua tsov ua rog twb tws lawm thaum twg, leej twg tseem dag cov ruam tuav nws zaj npau suav vwm”? Vuag ua li cas txog tav nov es koj thiaj tseem tsis muaj qhov muag pom tias yog luag ntxias cov ruam los yog luag xav pab txhua tus os? Kuv xav tias, lawv cov poob ua cob fab nyob los tsuas los tsis yog lawv xav xav nyob los yog tim leej twg ntxias lawv, tsis yog tim Vajpov, tsis yog tim neeg amelikas, tab sis tim nej cov niag ntsej muag nyablaj hmoob yaj ko nrog rau nplog liab, thiab nyablaj liab muab lawv khuab tseg lawm xwb los mas. Koj es 1 qho 2 qho, 3 qho los tsuas yog kom hmoob cob fab los lees txim rau nej cov mi npawg nplog liab nplog tsw quav es tsuav nplog tsis tua yus kom tuag xwb ces kav liam no ntag los mas nawb. Txhua tus hmoob nyob muaj vaj huam sib luag tau li nplog twb yog vim “Vajpov” tib leeg nkaus xwb. Tsis muaj Vajpov ces sawv daws yeej zoo nkaus li hmoob nyob hav zoov hav tsuag tam sim no ntag. Nkaum los tuag, tawm los tuag, khiav txawv teb chaws los kev tu tag. Tsam no es nej cov hmoob yaj no nim yuav txawj txawj xav thiab nim txawj txawj blame tus ub tus no tias, luag ntxias hmoob nyob zov tus npau suav? Ntawm kuv tus kheej kiag, Kuv ntseeg tias, luag txoj kev npau suav tseem yuav tseeb thiab zoo rau luag dua qhov koj txawj txawj ntxias luag hla dej rau nplog tua os mog Tsu Yaj. Kuv xav tias, tus mloog vajpov lus, thiab tus uas nws paub tias, nws nyob yog vim nplog liab txiav nws kev tu, thiab nws xav nrog luag muaj thaj av nyob li hmoob cob fab tab tom niaj hnub tawm tsam nplog liab li no tseem yog tus zoo tshaj koj lawm ntau txhiab ntau vam npaug. Koj ces tsuas yog neeg ncauj puv lus ces hais yog tsis yog los tsuav hais tau nyiaj noj xwb ces hais tag txhua yam li.

Kuv hais koj li no tias, yog koj tsis paub sau tsis paub hais lus thiab tsis to taub xwm txheej teeb meem tiag tiag no koj txhob hais lus li ntshe yuav zoo dua. Koj cov lus hais txhua lo ces yog lus tawm ntawm paj hlwb npua los xwb os. Nplog yuav muab koj tua noj hnub twg los koj twb tsis paub txog li.

Teb Rau Yawg Ntsim Siab:

Dr. Yang, Dao hais rau hauv HmongTimes Newspaper hais tias yog leeg twg sau ntawv los sis tau hais ib lub tswm yim dab tsi tawm rau zej zog, tus ntawd yuav tau txais ib co "NTAWV TUAG" txij thaum Neeg Magazine los khaws ntawv xov xwm ntiaj teb uas yog leej twg hais txog Hmoob phem thiab sawv sau ib co xwm uas yog tej lub tswv yim ntsim Hmoob siab los tau xyoo, Neeg Magazine yeej tau txais ib co "NTAWV TUAG" tiag. Feem ntau yog ib pawg neeg uas muaj kev ntxub ntxaug lwm pab neeg, xeem, los dab tsi. Yawg Ntsim Siab, zoo li koj muaj kev ntxub ntxaug heev rau pab Hmoob Yaj. Thaum peb sau ntawv xov xwm, peb tsis tau xav hais tias koj yog Hmoob dab tsi, peb cov neeg sau ntawv xov xwm, muaj Hmoob Vaj, Yaj, Xyooj, Lauj, thiab txhua cuab xeem. Tus txawj sau txog yam twg los sau. Qhov no yog kev sib kawm, sib qhia, thiab sib coj mus tom ntej. Txawm koj yuav kom peb sau ntawv rau leej twg tog los peb yuav tsis kam. Peb yuav sau ntawv rau Hmoob xwb. Vim peb yog Hmoob thiab. Yog koj muaj kev ntxub ntxaug (discrimination) rov rau Hmoob koj yuav tau zam lub txim kom zoo. Vim teb chaws no kev ntxub ntxaug yog ib lub tswv yim txhaum cai. Thaum leej twg nrhiav tau leej twg txhaum cai uas yog kev ntxub ntxaug leej ntawd yuav ev lub txim mus ntau puas xyoo. Kuv yog Snyu Yang, uas yog tus Editor rau Neeg Magazine. Kuv cawm koj tuaj ntsib kuv, tuaj sib qhia tswv yim hais txog kev sau ntawv, uas cov yam peb tau ua tsis yog thiab tsis muaj qab hau rau Hmoob. Tej zaum koj yuav muaj zoo tswv yim, tej zaum koj cov kev sau ntawv ho yuav dhau los ua ib qhov kev kaj ntug rau Hmoob thiab. Koj txhob lam tau lam sau ntawv tuaj rau peb cov neeg sau ntawv. Koj nrhiav kom tau pov tawj zoo zoo koj mam hais. Vim peb kev sau ntawv li peb ua no, peb ua yoog txoj cai, ua li qhov peb ua tau, peb tsis nthuam leej twg, tab sis peb hais leej twg lub tswv yim tawm rau neeg nyeem. Yog koj tuaj ntsib peb kiag tej zaum koj kuj tsis ntxub peb paum lub los muaj.

Ua ib tsoom phooj ywg tsaug yog leej twg pom thiab paub cov neeg ua pheej nyiam sau ntawv mus hawv kev tua neeg rau txhua txhua lub koom haum kev sau ntawv xov xwm, thov leej ntawd ho xa xov tuaj rau peb thiab rau FBI ua yog qhov chaws saib xyuas kev vaj huam sib txig. Ua tsaug.

Sau npe: Snyu Yang

Subject: Re: Cob Fab: Tuag Paj Kaub Hawj
From: RCVang@att.net Add
Date: Wed, June 18, 2003 1:22 pm
To: sales@hmongcommunityjournal.com;neeg@neeg.org;
Priority: Normal

Hmong Community Journal lwm zaus neej yuav tau saib kom zoo thiab tsom xam qhov ntsiaj ntsim ntawm cov ntawv nej yuav muab tso tawm rau kwv tij neej tsa saib. Yog tias nej xav kom nej muaj lub reputation zoo?.

Raws li kuv saib Tsu Yaj tsab ntawv sau tawm hauv nej rau lub May 2003 hais txog Cob Fab: Tuag Paj Kaub Hawj - hais tsis muaj qab hau, cov lus ib txhia tsis tseeb, nws cov lus phem ntau dua li qhov uas peb lub community xav pom thiab tej uas tau muaj los. For example, Tsu Yaj hais tej uas nws tsis paub txog nws lam tias Paj Kaub yog lav thab npas, qhov no yog ib qhov yuam kev loj heev. Paj Kaub tsuas yog tus President ntawm phav Chaofa Democrat xwb. Lo lus tias president nws yog ib lub title xwb nws tsis tau txhais tias yog Lav Thab Npas no.

Tshaj ho, Nws hais txog lo lus phem "vij sub thiab Dab Noj Nyoog Haus Txias" kuv xav tias kev tuag tsis xaiv leej twg ntseg muag. Txoj hmoo tsis muaj es raug leej twg lawm los tsim nyog peb tseem yuav sib pab - ua cas Tsu Yaj tseem hais yam li Paj Kaub tuag, Cher Pao tuag, Bournmy tuag thiab lwm tus uas tau tuag ua rau Tsu Yaj thiab nws cov dab noj nyoog haus txias zoo siab kawg li.

Tej no ntshe yuav tsis yog qhov zoo thiab tsis tsim nyog Tsu Yaj thiab nej muab sau los tso tawm lawm nawv.

Sau npe Tswv Tsim Vaj (Chuechi Vang)

Tsu Yaj Teb Cov Lus Saum toj no Rau Yawg Tswv Tsim Vaj!``````````````````

Nyob Zoo Tswv Tsim Vaj,
Ua tsaug koj xa e-mail tuaj rau kuv. Kuv yog Tsu Yaj, tus sau tsab "Article, 'Cob Fab: Tuag Paj Kaub Hawj" uas tau muab luam tawm rau hauv Hmong Community Journal thiab luam rau saum Neeg Magazine. Qhov koj sau ntawv tuaj tham txhawj txog cov lus sau. Nws yog ib qho zoo kawg nkaus lawm. Qhov kuv ib nyuag xav kom koj ceev faj mas, koj hais tias kuv tsab article no sau "tsis muaj qab hau." Qhov no koj txhais tau hais tias koj cem kuv, thuam kuv kev sau ntawv, thiab tseem nrhiav kev txo kom kuv txhob sau ntawv ntxiv lawm. Kuv xav nug koj hais tias hauv lub qab ntuj no, leej twg thiaj sau ntawv muaj qab hau? Yog koj lov?
Qhov 2. Koj txhawj txog qhov kuv sau hais tias: Paj Kaub Hawj yog ib tug "President" qhov no, koj hais qhia tau rau kuv hais tias thaum koj nyeem kuv tsab ntawv, koj tsis ua tib zoo ntsia tom ntej rau tom qab koj mam hais. Thaum koj hais tag lawm, nws ua rau lwm tus paub hais tias koj yog ib tug neeg tsis txhawj tsis ntse, tsis muaj kev kawm tob los sis siab li cas. Qhov nov, kuv tsis tau hais tias koj yog tus neeg ruam no. Nws tsuas yog thaum pom koj hais li no ces qhia tau rau kuv xav li ntawd rau koj lawm xwb. Yog vim li cas kuv thiaj xav li no rau koj? (1) Thaum kuv sau lo lus "President" no, kuv nyob nyob kuv, kuv xav xav kuv, kuv tsis cia li sau zoj zeeg lo lus no. Kuv muaj pov thawj, kuv twb ntshai tsam ib co neeg twm ntawv lawv tsis nkag siab, kuv thiaj tso Pob Maim " " rau tib si. Lo lus President kuv tau siv los ntawm HmongTimes Newspaper nyob St. Paul, MN. Lawv twb yeej sau zaj story no txog Paj Kaub lawm, lawv yeej hu nws hais tias nws yog Hmoob tus Laj Thab Npas. Yog li no, kuv thiaj teev qhov no los ua ib qho pov thawj ntawm kuv tsab Article. Qhov no yog ib qho kev sau ntawv nyob rau teb chaws vam meej, teb chaws muaj tub txhawj tub ntse coob, thiab nws tseem yog kev ywj pheej kev sau ntawv American hu ua "Freedom of Press" no. Qhov nov, kuv vam hais tias koj yuav nkag siab zoo lawm thiab.
Qhov 3. Lo lus TUAG, VIJ SUB, NTXWG NYOOG, kuv tau siv lawm, kuv tsis tau siv lo lus "Dab Noj Nyoog Haus Txias". Cov lus saum no kuv siv, vim nws phim Hmoob heev. Phim Hmoob tus yeeb ncuab uas lawv pheej kheev nyiam sib ntxo los lawm tau ntau pua xyoo. Cov lo lus no mas phim ib txhia Hmoob. Vim zaj dab neeg Cob Fab los yog Nia Hoo cov kev ua tsov ua rog vwm nyob hauv lub teb chaws Nplog nws yog ib txoj kev tuag rau Hmoob. Qhov no yog ib co lus siv kom phim Hmoob. Vam hais tias muaj ib hnub twg ces lawv yuav rov pom qhov lawv nyiam sib tsim kom lawv haiv neeg tuag.
Kuv tsis paub hais tias ua li koj ho muaj zoo txuj ci npaum twg coj los nthuav tawm rau tub kawm, hluas Hmoob, thiab lawv lub neej tag kis kawm. Kuv kuj tsis paub hais tias koj muaj peev xwm npaum li cas yuav mus ua tau ib yam dab tsi los cawm Hmoob, kho Hmoob, thiab pab Hmoob. Raws li kuv tau siv sij hawm 14,15 xyoos no tuaj kawm ntawv rau luag teb chaws vam meej. Kuv pom haiv neeg twg yog lawv yuav vam meej, phem thiab zoo nyob rau hauv lawv haiv neeg yuav tsum tau muab qhia rov rau lawv haiv neeg paub. Qhov no kuv pom hais tias yog ib qho kev zoo rau me tub me nyuam xyaum raws txoj kev vam meej, kev txawj ntse, thiab sib hlub sib pab tiag tiag. Kuv pheej xam tsis pom hais tias, txoj kev dag hauv tus Kas Moos Cob Fab tuav Nia Hoo uas tau dag cov pej xeem Hmoob los ze 30 xyoo no ho tseem tshuav puav pheej dab tsi rau Hmoob. Vim kuv pom kwv tij Hmoob cov tseem nyob rau hav zoov hav tsuag mas muaj kev tuag kev ntsim siab ntau leej heev. Koj thiab leej twg twb mus ua tsis tau dab tsi pab lawv. Kuv yeej hnov hnov lawm, muaj ib co neeg mas hais hais thiab khav khav yuav mus ua tau dab tsi. Thaum sij hawm dhau los mus tag tsis pom leej twg ua tau dab tsi hlo. Tab sis koj thiab kuv niaj hnub no pom cov me nyuam, cov poj niam, thiab pog yawg Hmoob tuag nyob tim hav fab. Qhov no koj xav hais tias zoo heev rau Hmoob lov?
Yog koj muaj lus xav tham ntxiv koj yeej meem tham tuaj. Nco ntsoov hais tias peb nyob luag ntuj peb yoog luag txuj. Yog koj dhia dhau cai, cai tsis zam koj, kuv los leej twg dhia dhau cai, cai tsis zam tus ntawd. Kev xa ntawv tuaj mus sib qhia sib kho thiab pab tswv yim yuav tsum yog siv paj hlwb qhia xwb tsis yog taw tes cem thiab taw qhov ncauj hais koj npe kuv npe yam tsis muaj pov thawj pab. Qhov no yog kev txhaum cai nyob teb chaws no txoj kev sau ntawv. Thaum peb sau ntawv xov xwm, peb pom pov thawj hais, nrhiav tau qhov teeb meem tiag mam sau, thiab pom tau hais tias yog ib qho teeb meem loj rau haiv neeg Hmoob. Thaum no peb sau tawm, tso tawm, thiab luam tawm coj mus ua ib qho kev xav xwb tsis tau tau coj mus rhuav tshem leej twg lub koob moo thiab ib haiv neeg. Qhov no yog tub Hmoob Txawj Ntaw thiab leej twg cov tub txawj ntaw los yeej siv.
Tsu Yaj

Subject: Tsis Quav Ntsej Txog Hmoob Tuag Li
From: Tsu Yaj
Date: Wed, March 19, 2003 9:53 am
To: neeg@neeg.org
Priority: Normal

Haiv neeg Hmoob yog ib pawg neeg uas nws twb pom nws cov neeg tuag los nyias nyob nyias twj ywb ywm. Ntau tus txiv neej lawv hais li no: Xum ua neeg ruam, nyob twj ywm thiaj tsis muaj teeb meem los paug yus, luag yuav ua lwj ua tsw los cia luag ua. Cov niam txiv, kwv tij, poj niam, me nyuam Hmoob uas tab tom raug ib co kev tsim nyob rau hav zoo hav tsuag ua niaj no tuag yeeb tuag tshuaj lom, tuag mos txwv, tuag npoos, thiab tuag tshaib, tuag mob tuag kev txom nyem. Yeej tsis pom leej twg kam hais dab tsi hlo. Tsuav nyias tau zoo ua paum, los yog ua qau, pw txaj chaw zooj zooj, thiab tsis yog nws txheeb nws ze nws kwv tij ces nws nyob zoo zoo lawm xwb. Hmoob zaj dab neeg npau suav twb tsim Hmoob tuag coob heev lawm. Lawv leej twg tsis pom li lov? Cov me nyuam, cov kwv tij, thiab txiv neej yawg laus niaj hnub no tuag rov rau hauv Hmoob txoj kev npau suav kev dag tsis muaj leej twg hais tau dab tsi li lov? Hmoob txoj kev ntshaw kev nom kev tswv yam twb tsis muaj kev txawj ntse dab tsi, los niaj hnub sib cam sib rhuav mas muaj qias zej zog ntsuav. Cov me nyuam uas tuag kev tsim ntawm yus haiv neeg thiab Nplog lom yeej tsis muaj twg twg paub txog thiab nyias nyob nyias twj ywb ywm.
Cov kwv tij Hmoob ua nom Nplog nyob hauv lub teb chaws Nplog los niaj hnub heev heev yuav mus tua cob fab. Tua cob fab tua leej twg? Tua Hmoob xwb los tseem tua. Tsuav tau ua nom lov? Tsim Hmoob, dag cov neeg ruam neeg tsis hnov xov ntiaj teb, kom pej xeem niaj hnub w nyiaj mus rau nws siv, noj tsis tau txaus thiab los ua cas? Cas Hmoob yuav mus tau zoo tuag rau Hmoob cov hlwb dev no ua luaj. Tsis ntev saum no ces Hmoob yuav mus txiav xaj hmoob mus ua mab ua suav tag. Vim niaj hnub no Hmoob cov paj hlwb yog paj hlwb dab xwb.

Subject: Translators to help Hmong voters cast ballots in Wisconsin
From: "SiNuj Yang" <simnuj@hotmail.com>
Date: Wed, March 19, 2003 9:53 am
To: neeg@neeg.org
Priority: Normal

Nyoob Zoo Neeg,

Thov tso cov lus no tawm.

Tsab xov xwm luam tawm hauv GreenBay, wis (AP) "Translators to help Hmong voters cast ballots in Wisconsin" txhais tau li cas rau Wisconsin-Hmong thiab thoob teb chaws dav? Xws li muaj 2 txog kev taug. Cov media xav qhia rau pej xeem paub hais tias tus neeg twg yuav los ua nom, nws mus thov cov pab pawg neeg tshawg pab. Qhov 2. twb yuav mus pov ntawv tsa nom cas tseem yov siv neeg txhais lus ua dab tsi. Tsis tau tag, pem lub zos GreenBay, Brown County, lawv cov neeg tuav kam twb yeej tsis ntshaw kom muaj tej nyuag pab pawg neeg me me li no kom muab lawv tej lus coj los siv. Yuav tsum siv lus English xwb xwb. Kuv lam xav li no: ntau tshaj mas ntshe yog muaj ib co Hmoob koom tes pab cov yuav los ua nom, ua tswv zos rau pem lub zos GreenBay xwb. Tej thaum, yuav tau txhob siv cov me nyuam tub kawm ntawv High School los txhais lus. Ntshe yuav tau mus nrhiav cov tub txawj ntaw siab los txhais lus. Tsis yog li ntawd, yuav tsum cia County ntiav cov tub lag luam twb yeej muaj cov chaw txhais lus them nyiaj. Li no mas thiaj tsim nyog leej twg thuam Hmoob yog hais tias thaum qhov "Result" tig tsis zoo.
Li no xwb. Leej twg xav cam kuv los sau ntawv tuaj. Ua tsaug.

Simnu