HAIS TXOG XIM FAB LUB MOO TUAG

Plaub Paum yog daim ntawv ntuag Xim Fab yuav tau swb nws txoj sia.
Plaub Paum kub heev nyob ntuj tog no. Plaub paum ua neej puas tsuaj tag ntau lub siav tu ntau txoj. Lub zej zog Hmoob yeej tsis nrog lees xyov plaub paum kis ces twg los?
Hauv zos Hmoob Plaub Paum sib khi ua lauj vaub tawm hauv cov niam txiv Hmoob lub plawv tuaj. Thaum ntej lawv txw tub ntxhais sib yuav, sib deev ntxov, mos mos, thiab tsis tau paub tab. Thaum twg tub ntxhais tsis sib yeem cov niam txiv Hmoob npuaj teg ntaug taw qw ua ib co suab cob tsib (violence) ntsuav taw kev rau Lij Choj ntsiab. Cov tub Hmoob tsis paub tab hnov xaiv, cov tub ntsuag ciaj, ntsuag nos, thiab cov twm zeej mag Lij Choj txauj taub hau piam sij tag.
Cov niam txiv Hmoob uas txw lawv cov me ntxhais sib yuav thaum mos. Tab sis, niam nkauj mog leej niam ua tus txheem nrees. Cov no, txawm niam nkauj mog 13,14,15 xyoo los niam nkauj mog tab zag zis ua neej twj ywm.
Thaum txog Xim Fab nkawv lub neej, Cas cia li zoo nkaus lub pas dej phwj yaws saum lub zos Hmoob. Xim Fab lub moo tuag thiaj ncha. Tej zaum! nws yuav tau tuag los ua pov thawj rau Lij Choj thiab nws txoj kev txhaum uas ntom nti xwb tsis muaj twg twg pom nws ncaj ncees. Xim Fab lub moo tuag, yuav tau nkaug tes rau cov niam txiv Hmoob daim siab txia ntshav. Xim Fab lub moo tuag, yuav tau qhia rau cov niam txiv Hmoob thiab ib feem poj niam kom pom khav tias siav neeg zoo nkauj (life is worderful), mob (life is painful), thiab siav neeg tag tsis rov los (no afterlife ). Yog lawm muaj tseeb, lij choj rooj teb no tsis tau tso cai rau niam nkauj mog thiab txiv nraug laus nkawv sib hlub. Tab sis yog nkawv txaus siab sib hlub heev pem lub ncauj los. Zaum no nyiaj txiag nyob kev deb, niam nkauj mog ua niam kheej (single mom) niam nkauj mog thiab txiv nraug laus nkawv yuav tau dob nkawv thooj siab dawb pov hauv dej ho muab kev ntxub ntxaug los sib twb. Xim Fab Thoj, txoj sia cia luam ua ib tug khaub lig ( +) tseg. Swb txoj sia ntawm neeg lub plawv dub thiaj pauv tau Xim Fab txoj kev ywj pheej tiam no.
Plawv Dub?
Cia Xim Fab yog nws poj niam tso nws poj niam yog Xim Fab. Zaum no nws poj niam Xim Fab niam thiab txiv yog Xim Fab niam thiab txiv. Ho Xim Fab niam thiab txiv yog nws poj niam, niam thiab txiv. Ok. Xim Fab tuag dua. Leej twg puas xav li tam sij no tus Xim Fab tiag tiag niam thiab txiv xav? Thaum tus tub yog koj tus ces mob koj siab khis rhe: thaum tus tub yog kuv tus ces mob kuv siab tib yam thaum mob koj siab. Thaum tus ntxhais yog twg twg tus ces leej twg los ua heev heev, yoj teg ntaug ko taw. Sib sib zog dhia paj paws siab siab tsuj kom av qeeg av qawj siab thiaj nqig. Zaum no Xim Fab lub moo tuag mob nws leej niam siab. Cia kom txog leej twg tus Xim Fab lub moo tuag ces yov mob tus leej niam ntawd lub plawv tib yam. Qi muag ua neej rau xeev ntuj teb no. Tiam twg kom nco ntsoov txhob los thawj ua Hmoob lawm.
"Tseem tias yuav yog li ntawd los kuj tshuav qee leej niam cem cem Xim Fab rov tom qab tias, nws yog niag swb, tus tsis zoo, nws hais tsis yeej lwm tus nws yog tus txhaum, nws thiaj tuag. Neeg ntiaj teb tsis muaj ib leeg twg li uas yuav xam tom ntej mam hais mam ua dab tsi. Li no, peb cov tub txhais hluas lub neej nim no thiaj puas tsuaj zuj zus lawm tas tsis paub muaj hnub twg mam xaus rau cov laus lub hlwb xav." Nkauj Hmoob.
Xim Fab lub moo tuag kawj li cas los xaus li cas yog luam tawm hauv (HMONG TIMES). NEEG magazine fawb xwm phoom Hmoob, tig xav (review), thiab pom txog pem qhov yuav kev, ncaj tswv yim raug cai xwb.
Tus Sau: Snyu Yaj