KajNtug

Anything about Hmong, We post it in this web address

Hmong - News Now

Hmoob rooj saj laj txog cov toj ntxas tim Thaib teb

Yov luag 100 leej, tib co thawj coj Hmoob thiab pawg tuav kev sab laj thoob teb chaws As Mes Kas tau sib ntsib ua ke ib hnub nkaus rau tom zos Appleton sib pawv tswv yim txog qhov Thaib muab cov toj ntxas khawb tim lub vaj loog zeb.

Pab tub tuav dej num uas tau taug kev mus rau Thaib teb thaum 10 hli no ntseeg hais tias qhov muab cov toj ntxas no khawb yog ib qho yuam Hmoob txoj kev cai dab qhuas thiab kev ntseeg ntawm lawv. Lawv pab tuav dej num ntseeg thiab lawv tab tom nrhiav ib txog kev kom ob
tog sib to taub los xyuas seb yuav rov faus 211 lub cev tuag uas muab
khawb lawm uas tseem khaws tseg rau Thaib teb.

“Qhov peb ua no tsis yog teeb meem Hmoob, nws yog leej tib neeg txhua haiv li xwm,” yawg Vang Xiong uas yog tus coj ntawm lub koom haum Hmong-Asian Pacific Caolition nyob Washington hais.

Qhov teeb meem no sib cuam tshuav los ntawm 15,000 tus Hmoob thoj nam nyob hauv lub Vaj Loog Zeb (Tham Krabock Temple) uas nyuam qhuav tsiv tuaj rau teb chaws As Mes Kas tab sis zes li ntwm 900 tawm leej tau tag sim neej rau tid es Thaib muab cov ntxa khawb tag.

Thaum 9 hlis, 14 leeg sawv cev 13 lub xeev hauv teb chaws As Mes Kas tau taug kev mus rau Thaib Teb thiab mus sib tham nrog cov Thaib, U.S.
Embassy, Loom Phaub hauv vaj loog zeb, thiab ib lub koom Haum Suav uas ntseeg tau hais tias yuav tsum yog leej twg muaj kev cuam tshuav khawb cov toj ntxas es 480 lub cev twb muab hlawv tag lawm thiab muab faus ua ib lub ntxa loj loj.

“Peb tsis hlawv peb cov leej tib neeg, peb tsis khawb lawv tej ntxa thaum twb muab faus tag, thiab qhov twg uas yog qhov ntawm nws yog lawv lub vaj tse ib sim neej leej twg tsis kom,” Michael Yang uas yog tus coj ntawm pab sawv cev no hais.

Lawv nrhiav tau 211 lub cev uas yog cov pob txha lawm xwb thawm lawv mus rau Thaib teb. Txhua lub cev thiab cov pob txha no tseem nyob rau hauv Thaib teb thiab muab qhwv zoo zoo rau hauv ib daig ntaw ntsuab thiab faus rau hauv ib co qhov av puab tob li ntawm 10 ft tseg.

Xam hais tias qhov teeb meem no kawj vim pob ntseg hnov Thaib tej lus hais tias kuj yuav dhau mus tsim teeb meem rau cov dej haus ib ceeb tsam ntawm lub vaj looj zeb, thiab huav lub vaj loog zeb tsis yog ib qho chaw faus neeg, Yaj hais. “Txawm yuav yog thiab tsis yog los peb tsis xaiv ntseeg, vim tsam muaj lwm yam cuam tshuam uas lawv tsis qhia peb. Nws tsuav ntau ntau txoj kev xav, ntau ntau yam tsis tsim nyog ntseeg, thiab ntau ntau qhov sib ntxawv peb tsis muaj cuab kav yuav nkag siab yog vim li cas.”

Ua ntej dua ntais ces xav kom 211 lub ces no thiab lawv cov ntsuj plig tau kev mus thawj thiab.

“Ib leej twg thiab pab pawg twg uas yog tib neeg muaj nyias txoj kev ntseeg tswj fwm nyias,“ Micheal hais. “Peb mus rau hauv Thaib teb lub vaj loog zeb nrog ib lub zim muag xav paub seb leej twg yog tus ntaus thawj thiab tso cai rau qhov teeb meem no kawj, cov pob txha dua twg tag, thiab kom txhob muaj tej teeb meem no tshwm ntxiv lawm ua yog ib txog kev sib fwm li tib neeg. Peb mus tid nrog kev sib koom tes ntawm txhua haiv neeg txoj kev ntseeg hauv tus ntsuj plig.”

“Txoj kev peb taug los lawm no yog xav nrhiav ib qhov kev ncaj ncees uas yog ib txog kev sib fwm nrog Thaib,” Siab Lauj hais. “Yog hais tias peb nrhiav tsis haum txoj kev sib fwm kev ncaj ncees, nws tseem muaj lwm txoj kev taug, uas yuav coj mus sib foob qhov sib ntxawv no rau hauv United Nations, teb chaws kev nom tswv thiab teb chaws lub tsev State Department.

Lauj Siab hais tias, nws muaj kev taug ntau ntau thaum yog sij hawm. “Peb tau fawb seb txoj twg zoo thiab tau sib tham nrog cov kws lij choj hauv teb chaws U.S thiab teb chaws Thaib lawm.” nws hais. “Peb tsis xav kom tau taug txoj kev yuav mus sib foob tab sis yog yuav tau mus, nws tsis kaw peb qhov rooj.”

Toyed Xiong hais tias “thaum leej tib neeg tuag lawm, leej twg twb nyiam kom tus ntawd mus kaj siab nrig, kuv xav hais tias qhov no yog thaum Hmoob ntseeg hais tias lawv leej twg tus hlub tag sim neej, nws ua rau lawv tso tau txoj kev sib tshua no mus. Nws yuav tsis sib txawv txawm yuav yog poj niam, txiv neej, me nyuam, hluas, laus, thiab txhua haiv neeg, tib neeg ntshe nyiam tib yam nkaus…

“Peb yeej nco tus txiaj ntsim uas nom tswv Thaib pub ib qhov chaw rau peb nyob 30 tawm lub xyoo dhau los, peb tseem yuav nco ntsoov tias peb tseem tshuav lawv nqi. Qhov peb hais ces tsuas yog kom thaum leej twg tag sim neej cia nws mus so thiab mus kom kaj nrig lub neej xwb. Nws yog leej tib neeg txoj kev ntseeg thiab kev pov fwm tib neeg.”

Tig pom thaum Hmoob sawv daws teeb meem uas nws yog lawv teeb meem:

Hmoob ib txwm nyiam tham tham xwb kom lawv thooj ib lub siab koom ib lub plawv. Zaj dab neeg koj pab kuv pawg tau piav sij Hmoob lub neej puag Suav Tuam Tshoj teb los txog niaj hnub no lawm. Sawv daws yuav tau pom txoj lwv ntshai no tsis yog txoj zoo. Txawm Hmoob yuav muaj kev tsis sib haum xeeb tsawg tiam los lawm los Hmoob yeej tseem tsis muaj kev sib haum xyov tsawg tiam tom ntej. Qhov no vim Hmoob yog ib co neeg nyiam tham tham nyias tus kheej xwb kuj mus ua tsis tau sawv tuaj ua ib tug qauv. Leej twg mus ua dab tsi, los tham ntau ntau kom lwm tus hnov txog nws qhov nws mus ua ntawm. Zoo nkaus tsis txhais rau cov mloog hais tias nws mus ua qhov dab tsi ntawd los ua ib tug qauv zoo rau Hmoob tab sis coj los qhia rau Hmoob hais tias nws niam ua ua, cas leej twg tsis pom kiag no xwb.
Tswj Fwm hais tias Hmoob yuav tau thooj siab koom tsws es sib coj ua ib lub suab ib lub cev mus nrhiav ib daig hom phiaj. Nws kuj hais tias, Sen Mee Moua, Thaib hais tias nws tsis yog tus tuav Hmoob sawv daws vim nws tuav ib lub nyuag xeev me me xwb. Yuav ua cas daws tau Hmoob qhov teeb meem no. Lawv pab 14 leeg uas sawv cev Hmoob thiaj yog pab yuav los daws tau Hmoob qhov teeb meem. Thaum kawg ces, yog leej twg mloog Tswj Fwm hais lus, leej twg tsis muaj kev kawm siab, hnov xov xwm lwm qhov, thiab tsis paub dab tsi kiag yov yuav hais tias nws twb tau hais zoo zoo lawm. Tab sis yog leej twg muaj kev to tsib ces kuj tsis ntseeg li ntawm thiab. Vim leej twg los nyias yuav xav tham txog nyias qhov nyias mus ua ntawd zoo zoo xwb. Lwm tus mus ces yuav muaj tej yam tsis zoo. Tab sis thaum tham txog cov toj ntxas Hmoob tim lub vaj loog zeb ces, txawm yuav yog pab 14 leeg sawv cev Hmoob txhua xeev los Se. Mee Moua pab lov leej twg pab thaum kawg ces lawv yeej yuav nrhiav kom tau tib lub hom phiaj xwb. Txawm hais tias yuav yog tsawg pab mus hais los tej zaum yuav cuab ib lub zog haj yam loj mus daws qhov teeb meem no xwb. Tsam no twb yog lub caij mus hais lawm ces tsis tag yuav hais hais - koj koj - kuv kuv. Yog pheej hais mus hais los ces xav siv lo lus Mes Kas tias “you are contradicting yourself.” Txaum yuav yog Sen. Mee Moua pab - Michael Yang Pab los tsis tseem ceeb rau Hmoob. Qhov tseem ceeb ces lawv tes dej num twb muaj nuj nqi rau Hmoob lawm.

Ib me ntsis ces Hmoob tseem rov mus tham dua txog zaj dab neeg nyob suav tuam tshoj teb los xwb. Koj koj - kuv kuv Hmoob yeej tsis tsum. Vim hnub tim 27, lub 10 hlis no cov thawj coj Hmoob txhua txhia lub koom haum tuaj ces lawv yeej nyiam nyiam hu hu kom Hmoob mas yuav tsum thooj siab koom ntsw ua ib pab coj lub ib lub suab, sawv ua ib haiv, thiab taug ib txog lwv los txog thaum kawg ces yog tej lus hais xwb leej twg los leej ntawd tsis kam hloov. Nyias tsuas nyiam nyias pab nyias pawg xwb. Yog leej twg tsis nyiam leej twg lawm ces nws yeej hloov tsis tau los ua ib lub suab, sawv ib haiv, thiab taug ib txog lw. Snyu Yaj tom zos Appleton, hais tias, ua thaum nej ob pab sawv cev Hmoob no mus txog tim Thaib teb es uas nej koom siab ua ib lub cev, ib lub suab, daws ib qho meem xwb los ob qhov teeb meem? Michael Yaj thiaj teb hais tias thaum lawv mus txog rau tid lawm ces lawv sawv daws koom ib suab hais xwb. Thaum tham mus tham los, Michael Yaj kuj hais tias Sen. Mee Moua lawv pab ces thaib tsis kam qhib cov pob txha rau lawv saib ho Thaib qhib rau Michael lawm pab saib. Txawm yog leej twg pab los cia nws zias zoo zoo twj ywm rau hauv Hmoob lub tsev xwb txhob cha cha rau cov Media. Vim cov medias mas xav xav kom ib pawg neeg no sib tshum koj koj - kuv kuv. Thaum ntawd ces qhov teeb meem twb tsis loj los cov media niam maj maj muab coj mus luam tawm. Hos yog yam dab tsi es hais txog tej pab pawg twg no zoo zoo es twb tseem ceeb lawm los cov media tseem tsis tau muab coj mus luam tso tawm thiab ov. Tej zaum qhov no yuav qhia tau dab tsi rau Hmoob txoj me kev sib tsum uas tsis yog caij “taking action but taking action anywhere.”

Terms of Use | Privacy Notice
© 2002- 2007, Neeg Magazine P.O.Box 4071 Appleton, WI 54914-4071 (920) 997-9319
All rights reserved. All parts of this service shall not be reproduced in any form without a written consent express to NEEG Magazine, except that an individual may download and/or print of articles for personal use such as reference, non-commercial purpose. Neeg values all writers with deserved knowledge of their credibility. Thank You.